Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Каля КДБ адбылася акцыя ў падтрымку Дзянісава (Фота) 10:37, 01/03/2007
Акцыя з патрабаваннем вызваліць моладзевага актывіста Дзяніса Дзянісава адбылася ўчора ўвечары ля будынка Камітэта дзяржаўнай бяспекі ў Менску. Пяцёра актывістаў моладзевай ініцыятывы “Бунт” разгарнулі насупраць КДБ транспарант “Бунт за свабоду Дзянісава”.
Ніхто з удзельнікаў акцыі затрыманы не быў.
Нагадаем, што Дзяніс Дзянісаў быў затрыманы 16 лютага. Цяпер ён знаходзіцца ў Віцебскім следчым ізалятары №2. Летась супраць яго ўзбудзілі крымінальную справу па абвінавачванні ў “арганізацыі групавых дзеянняў, якія груба парушаюць грамадскі парадак”. Справа была распачатая пасля таго, як у Віцебску ў чэрвені мінулага года з’явілася мноства апазіцыйных графіці і ўлётак. Паводле гэтага артыкула актывісту пагражае да трох гадоў пазбаўлення волі.
