Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
«Газпром» пераходзіць ад слоў да справы 17:31, 01/03/2007
Дэлегацыя ААТ “Газпром” вядзе перамовы ў Менску па практычным стварэнні газатранспартнага прадпрыемства на базе ААТ “Белтрансгаз”, паведамілі ў Мінэнерга Беларусі. Трохдзённыя перамовы пачаліся 28 лютага і скончацца 2 сакавіка, удакладніў прадстаўнік ведамства.
Па яго словах, бакі абмяркоўваюць практычны механізм стварэння СП: дамову куплі-продажу, парадак і тэрміны пераліку грашовых сродкаў, перадачу акцый, статут СП.
Урад Беларусі і ААТ “Газпром” у канцы снежня 2006 года дамовіліся аб умовах набыцця расейскім бокам цягам 2007–2010 гадоў 50% акцый ААТ “Белтрансгаз” (цяпер 100% акцый належыць дзяржаве) зыходзячы з узгодненай рынкавай ацэнкі беларускай ГТС у памеры $5 млрд., паведамляе Газета.Ru.
