Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
МАЗ акцыянуюць, калі будзе інвестар 11:31, 02/03/2007
Менскі аўтазавод можа быць акцыянаваны з мэтай наступнай прыватызацыі толькі пры наяўнасці зацікаўленага інвестара, заявіў журналістам у Менску намеснік прамысловасці Беларусі, былы генеральны дырэктар МАЗу Валянцін Гурыновіч.
“Калі б прадпрыемствам зацікавіўся прыватны інвестар, і гэта дало б штуршок да мадэрнізацыі – то тады адназначна трэба праводзіць прыватызацыю”, – сказаў В.Гурыновіч.
З іншага боку, ён падкрэсліў шматлікія факты ўжывання механізму прыватызацыі для фактычнай ліквідацыі прадпрыемства як канкурэнта. “У выпадку акцыянавання МАЗу трэба мець на ўвазе, што было шмат прыкладаў, калі купляюць акцыі, каб прадпрыемствы “пакласці”, – дадаў намеснік міністра.
Ён таксама адзначыў, што яму невядома пра прапановы Мінэканомікі правесці ў 2007 годзе акцыянаванне МАЗу з мэтай наступнага продажу часткі дзярждолі стратэгічнаму інвестару. “Я упершыню чую пра прапанову акцыянаваць МАЗ сёлета”, – сказаў В.Гурыновіч.
Як паведамлялася, магчымасць прыватызацыі МАЗу ў 2007 годзе прадугледжаная праектам плану стабілізацыі сітуацыі на валютным рынку, які Мінэканомікі Беларусі падрыхтавала па даручэнні ўрада, паведамляе “Інтэрфакс”.
