Моладзь БНФ павіншавала міліцыянтаў з прафессійным сьвятам :: Хартыя'97 :: Навiны

Арганізацыя “Моладзь БНФ” правяла акцыю з нагоды дня міліцыі. У 18.00 на чыгуначным вакзале г. Менска актывісты моладзі БНФ раздавалі міліцыянтам гваздзікі, павязаныя бел-чырвона-балымі стужкамі.

Звычайныя патрульныя з неахвотай бралі кветкі, матывуе гэта тым, што яна не маюць права браць што-небудзь пад час нясеньня службы, аднак дзякавалі за віншаваньні, і разгубленна ўсьміхалісь. Удзельнікі тады вырашылі зайсьці ў пастарунак, змешчаны у памяшканьні вакзала, і павіншавалі дзяжурных міліцыянтаў, якія ахвотна прынялі кветкі.

У канцы акцыі актывісты наведалі Міністэрства унутранных спраў і перадалі віншавальны зварот да Уладзіміра Навумава.

«Паважаныя супрацоўнікі беларускай міліцыі. Шчыра віншуем вас з прафесійным сьвятам ад імя моладзі Беларушчыны! Наша міліцыя і мы, грамадзяне нашай магутнай Айчыны, мусім разам бараніць супакой і СВАБОДУ, плюралізм і дэмакратыю, правы чалавека і, большае, чаго не хапае на нашай славутай зямлі», -- гаворыцца ў звароце.

Дзяжурныя прынялі кветкі і паабяцалі перадаць ліст са зваротам спадару Навумаву. Апошнія кветкі моладзь падаравала ў метро супрацоунікам менскай міліціі, якія прынялі іх зь вялікай ахвотай. Акцыя прайшла без затрыманьняў.