Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Рада беларускай інтэлігенцыі: «25 сакавіка нагадае нам пра каштоўнасці, вакол якіх варта аб’яднацца» 11:06, 05/03/2007
2 сакавіка ў Менску адбылося чарговае паседжанне Рады беларускай інтэлігенцыі. Удзельнікі паседжання звярнуліся да ўлад з заклікам 25 сакавіка “не ганьбаваць Беларусь і яе народ канфрантацыяй, у гэты святы для ўсіх беларусаў дзень не нацкоўваць супрацоўнікаў сілавых структур на грамадзянаў, якія выйдуць на плошчы, каб ушанаваць нашу дзяржаўнасць”. 25 сакавіка мусіць стаць днём, які “нагадае нам пра тыя каштоўнасці, вакол якіх варта аб’яднацца ўсім”.
На паседжанні Рады было таксама прынятае рашэнне аб скліканні IV Усебеларускага з’езду інтэлігенцыі. З’езд адбудзецца ўвесну гэтага года.
Удзельнікі паседжання таксама высунулі старшыню Рады беларускай інтэлігенцыі Уладзіміра Коласа на пасаду сустаршыні грамадскага аргкамітэта па ўвекавечанні памяці ахвяр сталінскіх рэпрэсій.
