Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусь наведае дэлегацыя Еўразвяза ад імя Хаўера Саланы 14:04, 05/03/2007
Неўзабаве Беларусь плануе наведаць дэлегацыя Еўразвяза ад імя вярхоўнага прадстаўніка ЕЗ па агульнай знешняй палітыцы і бяспецы Хаўера Саланы. Пра гэта заявіў дэпутат федэральнага парламента Каралеўства Бельгія Жан-Поль Анры 5 сакавіка на сустрэчы ў Менску з старшынёй “палаты прадстаўнікоў” “нацыянальнага сходу” Беларусі Уладзімірам Канаплёвым.
Ж.-П.Анры адзначыў, што “заўсёды імкнуўся спрыяць таму, каб людзі больш даведваліся пра Беларусь”. Пры гэтым ён падкрэсліў, што цяпер кантакты Беларусі з Еўразвязам знаходзяцца на этапе, які шмат у чым з’яўляецца важным для будучых стасункаў.
Такім чынам, дэлегацыя Еўразвяза мае намер убачыць на ўласныя вочы сур’ёзнасць заяў беларускіх улад наконт намеру развіваць стасункі з Еўропай, і ці насамрэч улады збіраюцца пачаць дэмакратычныя рэформы ў краіне.
