Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Беларусі гатовыя абмежаваць ужыванне пакарання смерцю 09:59, 07/03/2007
Беларусь ідзе па шляху звужэння сферы ўжывання пакарання смерцю, заявіў сёння старшыня “савета рэспублікі” “нацыянальнага сходу” краіны Генадзь Навіцкі на прэс-канферэнцыі, прысвечанай вынікам яго візіту ў Рым.
Спікер паведаміў, што на сустрэчы з віцэ-прэзідэнтам ПАРЕ Андрэа Рыгоні, якая адбылася падчас візіту, абмяркоўвалася пытанне аб адмене пакарання смерцю на тэрыторыі Беларусі ў якасці адной з умоў аднаўлення статусу спецыяльна запрошанай у ПАРЕ для беларускай парламенцкай дэлегацыі. Генадзь Навіцкі нагадаў Андрэа Рыгоні, што ў Беларусі пакаранне смерцю можа быць скасаванае толькі шляхам рэферэндуму. Разам з тым ён нагадаў суразмоўцу, што наша дзяржава дэманстравала ў апошнія гады значныя тэмпы памяншэння колькасці смяротных прысудаў (у 1998 годзе іх было вынесена 47, у 1999 – 13, у 2003 – 4, у 2005 і 2006 – па два).
Генадзь Навіцкі адзначыў, што ў беларускім Крымінальным кодэксе была ў два разы скарочаная колькасць артыкулаў, якія прадугледжваюць магчымасць вынясення вышэйшай меры пакарання. Акрамя таго, у заканадаўстве краіны за пакараннем смерцю быў замацаваны статус часовай меры.
