Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Рэспубліканскі банк дадзеных налічвае звыш 8 тысяч нядбайных бацькоў 10:46, 07/03/2007
Рэспубліканскі банк дадзеных налічвае звыш 8 тысяч нядбайных бацькоў. Пра гэта ў гутарцы з карэспандэнтам БелТА сёння паведаміў міністр юстыцыі Беларусі Віктар Галаванаў падчас працоўнай паездкі ў Гомель.
Віктар Галаванаў распавёў, што згодна з Дэкрэтам Прэзідэнта №18 “Аб дадатковых мерах па дзяржаўнай абароне дзяцей у няшчасных сем’ях” працягваецца праца па стварэнні рэспубліканскага банка дадзеных тых бацькоў, якія ўхіляюцца ад выхавання сваіх дзяцей. Цяпер у яго ўключаныя звыш 8 тысяч грамадзянаў. У той самы час міністр падкрэсліў, што банк дадзеных увесь час знаходзіцца ў дынаміцы. Ёсць факты, калі бацькоў выключаюць з яго, бо яны сапраўды змянілі свае паводзіны і заняліся выхаваннем дзяцей.
На думку Віктара Галаванава, некаторыя грамадзяне перагледзелі сваё стаўленне да выканання бацькоўскіх абавязкаў. Міністр назваў гэта самым галоўным вынікам прынятага дакумента. Адначасова ён дадаў, што для эфектыўнай рэалізацыі Дэкрэту сёння важна скаардынаваць дзеянні розных службаў па працы з няшчаснымі сем’ямі, надаць адмысловую ўвагу працаўладкаванню гэтых грамадзянаў.
