Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Памерла былая кіраўнічка міністэрства аховы здароўя Людміла Пастаялка 13:34, 07/03/2007
У ноч на 7 сакавіка памерла Людміла Пастаялка -- маці галоўнай лекаркі Рэспубліканскага шпіталя Ўпраўленьня справамі прэзыдэнта Ірыны Абельскай, якая была ўласнай лекаркай Аляксандра Лукашэнкі, паведаміла “Радыё Свабода”.
Людмілу Пастаялку лічылі адной з уплывовых асобаў у беларускай палітыцы, набліжанай да прэзыдэнта краіны. Нарадзілася яна ў 1941 годзе ва Украіне. Скончыла Кіеўскі мэдычны унівэрсытэт. Да прэзыдэнцкіх выбараў 2001 года Людміла Пастаялка працавала галоўным лекарам Берасьцейскай абласной дзіцячай лякарні. Пасьля была прызначана першай намесьніцай міністра аховы здароўя, а праз год - міністрам гэтага ведамства.
У сьнежні 2005 году яна пакінула пасаду міністра ў сувязі са станам здароўя і была прызначана старшынёй сталай камісіі “савета рэспублікі” у пытаньнях дэмаграфічнай бяспекі і сацыяльнага разьвіцьця, а таксама дарадцам прэзыдэнта.
Пахаваньне адбудзецца 9 сакавіка. Разьвітаньне ў канцэртнай залі “Менск”, а памінальная імша пройдзе ў Доме міласэрнасьці.
