Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусь адмяніла канваяванне грузаў з Калінінградскай вобласці 10:08, 12/03/2007
Дзяржаўны мытны камітэт (ДМК) Беларусі ў сераду з 22:00 адмяніў канваяванне калінінградскіх грузаў. Як паведаміла прэс-служба беларускай мытні, “паміж Беларуссю і Расеяй урэгуляваныя ўсе спрэчныя пытанні транзіту грузаў з Калінінградскай вобласці ў вялікую Расею”. Цяпер “грузы бесперашкодна і без канвою здольныя перасякаць тэрыторыю Беларусі”, паабяцаў прадстаўнік ДМК.
З студзеня 2007 года Беларусь увяла працэдуру абавязковага надгляду ўсіх расейскіх тавараў, якія паступаюць з Калінінградскай вобласці транзітам цераз Беларусь на астатнюю частку тэрыторыі Расеі, з абавязковым канваяваннем транспартных сродкаў. Раней расейскія тавары перамяшчаліся транзітам цераз Беларусь па транспартных дакументах з адзнакамі мытных органаў Калінінградскай вобласці аб дазволе вывазу тавараў на астатнюю частку краіны, паведамляе “Інтэрфакс”.
