Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У раёне Кастрычніцкай плошчы арабская кампанія збіраецца пабудаваць 5-зоркавы гатэль 16:42, 12/03/2007
У Менску буйная будаўнічая арабская кампанія мае намер узвесці пяцізоркавы гатэль. Пра гэта у інтэрв’ю карэспандэнту БелТА паведаміў старшыня Менгарвыканкама Міхаіл Паўлаў. Па яго словах, адпаведная дамоўленасць дасягнутая па выніках перамоваў, якія адбыліся падчас візіту афіцыйнай дэлегацыі Беларусі ў Аб’яднаныя Арабскія Эміраты.
Старшыня Менгарвыканкама адзначыў, што ўзвядзенне гатэля стане першым праектам у супрацоўніцтве Менска і ААЭ і будзе весціся па даручэнні кіраўніка дзяржавы. “З гэтай мэтай падчас візіту я азнаёміўся з аб’ектамі, якія фінансуе арабская кампанія, што выявіла жаданне будаваць у Менску пяцізоркавы гатэль”, – сказаў суразмоўца.
Да цяперашняга часу эскізны праект аб’екта ўжо прайшоў стадыю ўзгаднення. “Гэта будзе гатэль вельмі высокага ўзроўню. Сёння ў Менску такіх гасцініц няма”, – падкрэсліў старшыня Менгарвыканкама.
Паводле дасягнутых дамоўленасцяў, будаўніцтва гатэля арабскі бок пачне ў гэтым годзе. А завяршыць працы плануюць за 2 гады. Права эксплуатацыі гатэля будзе належаць дадзенай кампаніі. Мяркуецца, што сучасны аб’ект сэрвісу з’явіцца ў раёне Кастрычніцкай плошчы, дадаў Міхаіл Паўлаў.
