Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Менску жыллё на другасным рынку падаражэла на 12,9% 15:04, 12/03/2007
Цэны на нерухомасць на другасным рынку жылля Менска ў лютым 2007 года выраслі на 12,9%. Па дадзеных аналітычнага цэнтра Realt.by, за месяц сярэдняя цана прапановы кватэр у Менску вырасла на 174$ да ўзроўню 1519$/кв.м.
Аб’ём прапаноў у параўнанні з мінулым месяцам паменшыўся з 2280 да 2261 аб’ектаў.
У лютым адна- і трохпакаёвыя кватэры падаражэлі на 14% і 15,4% адпаведна. Двух- і чатырохпакаёвыя на 10,5% і 12% адпаведна.
Лідэрамі па велічыні сярэдніх цэнаў прапановы кватэр з’яўляюцца Цэнтральны ($1854) і Савецкі ($1707) раёны. Самыя нізкія цэны ў Завадскім ($1436) і Ленінскім ($1494) раёнах. Узровень сярэдніх цэнаў у іншых раёнах сталіцы вагаецца на ўзроўні 1560$/кв.м.
У лютым больш за ўсё выраслі цэны на кватэры ў Завадскім (+15,4%) і ў Кастрычніцкім (+15,9%) раёнах.
У Ленінскім раёне цэны павялічыліся на 13,4%, у Маскоўскім – на 13,9%, у Партызанскім – на 8%, у Першамайскім – на 13%, у Савецкім – на 14%, у Фрунзенскім – на 12% і ў Цэнтральным – на 4,3%.
Кватэры ў новабудоўлях Менска прапаноўваюцца па камерцыйных цэнах ад 1000 да 1700$/кв.м. Сярэдняя цана прапановы долевага будаўніцтва кватэр у Менску складае 1450$/кв.м.
