Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У правядзенні мітынгу салідарнасці з палітвязнямі адмоўлена 13:16, 12/03/2007
Былому дэпутату “палаты прадстаўнікоў” Сяргею Скрабцу Менгарвыканкам адмовіў у правядзенні мітынгу салідарнасці з пазапраўна асуджанымі. Пра гэта Скрабец паведаміў БелаПАН. Палітык падаў заяўку ў Менгарвыканкам на правядзенне мітынгу салідарнасці з пазапраўна асуджанымі 16 сакавіка ў Менску на плошчы Бангалор.
Паводле Скрабца, 12 сакавіка ў Менгарвыканкаме яму паведамілі, што ў правядзенні мітынгу адмоўлена. “З якой прычыны – пакуль невядома, бо ў Менгарвыканкаме мне заявілі, што адмову яны выслалі поштай. Я яшчэ нічога не атрымаў, а прычыну адмовы вусна мне не называюць”, – сказаў С.Скрабец.
“Гэта значыць толькі тое, што ўлады баяцца нашай салідарнасці і не дазваляюць правядзенне менавіта такіх мітынгаў нават на ускраіннай плошчы Бангалор”, – заявіў С.Скрабец.
