Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Самалі збіты беларускі самалёт 14:27, 12/03/2007
Самалёт Іл–76 беларускай транспартнай авіякампаніі “Трансавиаэкспорт” пры заходзе на пасадку ў Самалі быў абстраляны з зямлі і паражоны, паведамілі карэспандэнту “Інтэрфакса” ў дэпартаменце па авіяцыі Міністэрства транспарту і камунікацый.
“У сталіцы Самалі – Магадыша, каля міжнароднага аэрапорта, пры заходзе на пасадку на вышыні 150 метраў быў абстраляны з ручнога гранатамёта транспартны самалёт беларускай транспартнай авіякампаніі “Трансавиаэкспорт”, – паведаміў суразмоўца агенцтва. Па наяўных звестках стрэл зрабіў невядомы, знаходзячыся ў маламернай лодцы. Экіпаж здолеў пасадзіць самалёт.
Паводле папярэдняй інфармацыі, усе сябры экіпажа жывыя. Баявая частка гранаты або ракеты значна пашкодзіла фюзеляж паветранага судна. У дэпартаменце адзначылі, што ў Самалі вылецела камісія беларускіх авіяцыйных улад, а таксама прадстаўнікі страхавых кампаній.
У дэпартаменце па авіяцыі Міністэрства транспарту і камунікацый Беларусі адзначылі, што самалёт авіякампаніі “Трансавиаэкспорт” перавозіў гуманітарныя грузы ў рамках міратворчай місіі, якая ажыццяўляецца ў Самалі сіламі Афрыканскага саюза пад эгідай Арганізацыі Аб’яднаных Нацый.
