Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
14 сакавіка ў Кіеве пройдзе паказ фільму «Плошча» 13:46, 13/03/2007
14 сакавіка ўпершыню ва Ўкраіне адбудзецца паказ фільму "Плошча" вядомага беларускага кінарэжысёра Юрыя Хашчэвацкага. Таксама, пасля дыскусіі адбудзецца прагляд іншай вядомай стужкі беларускага рэжысёра “Звычайны прэзідэнт”.
Юры Хашчэвацкі – вядомы беларускі кінадакументаліст. Аўтар каля 30 фільмаў. Адна з найбольш нашумелых стужак рэжысёра: сатыра на беларускага прэзідэнта Лукашэнка- «Звычайны прэзідэнт». Фільм адзначаны прэміяй Міру на Берлінскім кінафестывалю і гран-пры кінафестывалю ў Нью-Ёрку. Апошні фільм рэжысёра «Плошча» апавядае аб падзеях ў Менску ў сакавіку 2006 года, калі ў Беларусі прайшлі масавыя акцыі пратэсту супраць фальсіфікацый вынікаў выбараў прэзідэнта.
Падчас мерапрыемства госці змогуць паставіць свой подпіс пад зваротам да Прэзідэнта Украіны з нагоды візіту Аляксандра Лукашэнкі ва Ўкраіну.
Прагляд фільмаў і сустрэча з рэжысёрам адбудзецца ў 19.00, па адрэсе: Кіеў, вул. Фролівська, 9-11. Уваход вольны.
У гэты вечар пачнецца кампанія “Беларуская вясна”, якая будзе складацца з шэрагу мерапрыемстваў у падрымку дэмакратычных сілаў Беларусі працягнецца да 19 сакавіка.
