Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Ярмошынай не падабаецца расейскі выбарчы кодэкс 15:37, 13/03/2007
Старшыня Цэнтральнай выбарчай камісіі Беларусі Лідзія Ярмошына лічыць немэтазгодным у бліжэйшай перспектыве мяняць выбарчае заканадаўства, у тым ліку, уніфікуючы яго з заканадаўствам Расейскай Федэрацыі.
“Я адмоўна стаўлюся да новаўвядзенняў выбарчай сістэмы Расеі – адмене парога яўкі выбаршчыкаў і графы “супраць усіх” у бюлетэні для галасавання”, – заявіла ў аўторак у інтэрв’ю “Інтэрфаксу” кіраўніца ЦВК Беларусі.
Кіраўніца ЦВК Беларусі таксама не бачыць неабходнасці ўжывання ў рэспубліцы прапарцыйнай выбарчай сістэмы, што было апрабавана ў некаторых суб’ектах РФ на мінулых рэгіянальных выбарах. “Пакуль у Расеі працуюць не палітычныя перавагі і платформы, а персаналіі. Фармальна РФ пераходзіць на прапарцыйную сістэму выбараў, але па факце яна яшчэ носіць асаблівасці і рысы мажарытарнай сістэмы”, – сказала Л. Ярмошына.
