Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Амбасада Венесуэлы адкрылася ў Менску 11:05, 13/03/2007
Амбасада Венесуэлы адкрылася ў Менску. Пра гэта карэспандэнту БелТА паведаміў Часовы Павераны ў справах Баліварыянскай Рэспублікі Венесуэла ў Беларусі Амерыка Дзіас Нуньес.
Дыпламат перакананы, што 2007 год стане ключавым у развіцці беларуска-венесуэльскага супрацоўніцтва. Цяпер рэалізуюцца дамоўленасці, дасягнутыя падчас афіцыйнага візіту ў Беларусь у ліпені 2006 года прэзідэнта Баліварыянскай Рэспублікі Венесуэла Уга Чавеса. Бакі дамовіліся пра стварэнне стратэгічнага альянсу дзвюх краін, сумеснай рэалізацыі праектаў у гандлёва-эканамічнай галіне.
За апошнія паўгода больш як 56,4 тыс. тон беларускіх калійных угнаенняў на суму $11,2 млн. былі пастаўленыя ў Венесуэлу. У прыватнасці, у верасні мінулага года адпраўленыя 25 тыс.тон гэтай прадукцыі і ў студзені гэтага года – 31,4 тыс.тон.
Амерыка Дзіас Нуньес перакананы, што маюцца вялікія перспектывы і рэальныя ўмовы для пашырэння эканамічнага, культурнага і палітычнага ўзаемадзеяння. Венесуэльскі ўрад лічыць супрацоўніцтва з Беларуссю шмат у якіх сферах стратэгічным.
Часовы Павераны падкрэсліў важнасць таго факту, што Беларусь і Венесуэла маюць падобныя погляды наконт неабходнасці будавання шматпалярнага міру.
