Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Нацбанк спыняе выпуск аблігацый у замежнай валюце 16:26, 13/03/2007
Нацыянальны банк Беларусі спыняе выпуск сваіх аблігацый на прад’яўніка, намінаваных у замежнай валюце. Адпаведная пастанова ад 2 сакавіка 2007 года №61, якая ўступае ў сілу праз месяц пасля яго афіцыйнага апублікавання, прынятая ўпраўленнем галоўнай банкаўскай установы краіны.
Як паведамілі БелТА ва ўпраўленні інфармацыі Нацбанка, такое рашэнне прынятае ў мэтах аптымізацыі нарматыўнай прававой базы функцыянавання рынку каштоўных папер.
Паводле інфармацыі Нацбанка, выпушчаныя раней такія аблігацыі будуць гасіцца ў прызначаныя для іх тэрміны. Да таго ж уладальнікі каштоўных папер – фізічныя асобы змогуць атрымаць грошы за іх і адсоткі яшчэ цягам трох гадоў з дня вызначанай даты пачатку пагашэння. Толькі пасля гэтага аблігацыі не будуць прымацца да аплаты. Як гаворыцца ў пастанове, па заканчэнні дадзенага тэрміна незапатрабаваныя грашовыя сродкі, належныя да пагашэння аблігацый, уключна налічаныя адсоткі, залічаюцца ў дэпазіт натарыуса.
