Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Уладзімір Міхайлаў: На вайсковае супрацоўніцтва з Беларуссю «загазаванасць» не паўплывала 16:47, 13/03/2007
Расея мае намер пашыраць вайскова-тэхнічнае супрацоўніцтва з Беларуссю. Пра гэта заявіў глаўкам ВПС Расеі генерал арміі Уладзімір Міхайлаў на сустрэчы ў Маскве з ваенным і ваенна-паветраным аташэ краін блізкага і дальняга замежжа.
Ён нагадаў, што ў дзвюх краінах вельмі цесныя сувязі не толькі ў сферы СПА, але і ў іншых галінах. У прыватнасці, сказаў глаўкам, у Расеі і Беларусі больш як 100 сумесных прадпрыемстваў, якія нязменна абменьваюцца камплектуючымі для рознай тэхнікі.
Адказваючы на пытанне аднаго з аташэ, як паўплывалі праблемы з пастаўкамі газу з Расеі ў Беларусь на вайсковае супрацоўніцтва дзвюх краін, Уладзімір Міхайлаў адзначыў: “Загазаванасць” у атмасферы стасункаў Расеі і Беларусі ніяк на гэта не паўплывала. Па зразумелых прычынах нас хочуць пасварыць з Беларуссю, пры найменшай падставе паднімаюць ажыятаж. Але гэта як бура ў шклянцы вады – ні больш, ні менш”.
