Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Акцыя ў Дзень Волі адбудзецца пры любых умовах 11:10, 14/03/2007
Паседжанне аргкамітэта па віншаванні Дня Волі 25 сакавіка адбылося ў офісе Партыі БНФ у Менску. Прадстаўнікі партый і грамадскіх арганізацый абмеркавалі план дзеянняў напярэдадні акцыі, а таксама размеркавалі пэўныя абавязкі па яе падрыхтоўцы ў тыя два тыдні, што засталіся.
Сталічныя ўлады мусяць даць адказ на заяўку аб правядзенні акцыі на плошчы Каліноўскага (Кастрычніцкай) не пазней за 20 сакавіка. Рашэнне Менгарвыканкама аргкамітэт агучыць на прэс-канферэнцыі ў офісе БНФ 21 сакавіка а 12 гадзіне. Тады ж, у залежнасці ад адказу ўлад, будзе абвешчана і пра сцэнар правядзення акцыі 25 сакавіка.
“Акцыя 25 сакавіка адбудзецца пры любых умовах”, – заявіў намеснік старшыні Аб’яднанай грамадзянскай партыі Ігар Шынкарык. Збор яе ўдзельнікаў абвешчаны на плошчы Каліноўскага ў 12.00.
У мітынгу маюць намер узяць удзел апазіцыйныя рухі і партыі, моладзевыя арганізацыі, творчая інтэлігенцыя, вядомыя музыкі, прадпрымальнікі. Арганізатары акцыі заклікаюць удзельнікаў прыйсці з нацыянальнай сімволікай, нацыянальнымі бел-чырвона-белымі і партыйнымі сцягамі.
