Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Апісваецца маёмасць Сяргея Скрабца 10:32, 14/03/2007
У кватэру былога дэпутата «палаты прадстаўнікоў» Сяргея Скрабца цяпер прыбылі судовыя выканаўцы, якія маюць намер апісаць яго маёмасць. Пра гэта прэс-цэнтру Хартыі’97 паведаміў брат палітыка Аляксандр Скрабец.
Па словах А. Скрабца, маёмасць былога дэпутата апісваецца па справе аб выманьванні крэдыту. Нагадаем, што Сяргей Скрабец быў асуджаны 14 лютага 2006 года па абвінавачванні ў выманьванні крэдыту ў дзяржавы і прысуджаны да пазбаўлення волі на тэрмін 2 гады 6 месяцаў. Сваю віну палітык тады не прызнаў. Праваабаронцы лічаць прысуд былому дэпутату палітычным. Як быў дэпутатам, ён праводзіў галадоўкі пратэсту з патрабаваннем вызваліць палітвязняў і занесці змены ў выбарчае заканадаўства, а таксама з’яўляўся арганізатарам акцыі пратэсту, прысвечанай канцу 10-гадовага кіравання Аляксандра Лукашэнкі ў ліпені 2004 года.
У кастрычніку Сяргей Скрабец быў амніставаны і тэрмін яго пакарання скараціўся на адзін год. 15 лістапада 2006 года ён выйшаў на волю.
Па словах Аляксандра Скрабца, вопіс маёмасці пазапраўны, бо апісваюцца рэчы палітыка ўжо не ў першы раз.
