Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Расея можа даць Беларусі крэдыт толькі пад працэнты 17:43, 15/03/2007
Праблем з падаваннем Расеяй Беларусі стабілізацыйнага крэдыту, з просьбай пра які краіна звярнулася пасля падвышэння цэнаў на энергарэсурсы, не будзе, лічыць амбасадар Расеі ў Беларусі Аляксандр Сурыкаў. “Расейскі бок неаднаразова заяўляў, што гатовы дапамагчы Беларусі”, – паведаміў “Інтэрфаксу” А.Сурыкаў. Пры гэтым амбасадар нагадаў, што з 2006 года ў сувязі з зменай Бюджэтнага кодэкса Расеі ўрад не выдае безадсоткавых крэдытаў.
Гаворачы пра магчымую суму крэдыту (беларускі бок запытаў $1,5 млрд – ІФ), амбасадар удакладніў, што “ў расейскім бюджэце няма столькі, ён прыняты”.
“Але гэта можа быць траншамі, з улікам перагляду параметраў бюджэту. Асаблівых праблем я не бачу”, – сказаў амбасадар.
Раней паведамлялася, што ўрад Беларусі звярнуўся з просьбай да Расеі разгледзець магчымасць выдзялення стабкредыту ў памеры $1,5 млрд.
