Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусь патрапіла ў лідэры па выміранні 11:47, 16/03/2007
Эксперты АНН сцвярджаюць, што да сярэдзіны стагоддзя насельніцтва Беларусі скароціцца да 6,96 млн. чалавек (цяпер 9,7). Такім чынам, нас стане на 28,2 адсотка менш. Апярэджваюць нас у гэтым сумным спаборніцтве толькі Украіна, Баўгарыя і Грузія. І гэта ў той час як на ўсёй планеце колькасць людзей павялічыцца на 2,5 млрд. і складзе 9,2 млрд. чалавек.
Але беларусы будуць не толькі выміраць, але і старэць. Калі сёння сярэдні ўзрост насельніцтва краіны ледзь больш за 37 гадоў, то да 2050 года асноўная маса нашых грамадзянаў будзе набліжацца да шаноўнага 50-гадовага ўзросту. Праўда, больш чым на сем гадоў павялічыцца працягласць жыцця. Сённяшнія беларусы ў сярэднім жывуць 68,4 года, а вось да 2050 года атрымліваць асалоду ад жыцця будзем да 75,7 гадоў у сярэднім.
Павялічвацца колькасць людзей, якія пражываюць на зямным шары, будзе за кошт такіх краін, як Індыя, Нігерыя, Пакістан, Конга і Эфіёпія. Дарэчы, гэтыя дзяржавы разам з жыхарамі ЗША, Бангладэш і Кітая ў найбліжэйшыя 43 гады будуць складаць палову насельніцтва ўсёй планеты, паведамляе “КП в Беларуси”.
