Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусаў паспрабуюць перапісаць у кастрычніку 16:12, 16/03/2007
У Беларусі, на пярэдадні перапісу насельніцтва 2009 года, у кастрычніку 2007 года будзе праведзены пробны перапіс насельніцтва, паведаміў міністр статыстыкі і аналізу Беларусі Уладзімір Зіноўскі падчас выступу на канферэнцыі “Статыстычная сістэма рэспублікі Беларусь: учора, сёння, заўтра”.
“Пробны перапіс будзе праведзены ў Маладзечанскім раёне Менскай вобласці”, – удакладніў міністр. Ён нагадаў, што закон аб правядзенні перапісу насельніцтва ў 2009 года быў прыняты ў 2006 годзе.
У.Зіноўскі растлумачыў, што перапіс насельніцтва – асноўная крыніца інфармацыі пра колькасць і структуру насельніцтва, яго размеркавання па тэрыторыі і адзінай крыніцай звестак аб нацыянальным складзе насельніцтва, яго валоданні роднай мовай, узроўні адукацыі і крыніц сродкаў існавання, паведамляе “Інтэрфакс”.
