| | | | | |
| |
|
|
|
|
| | | |||||||||||||
| |
 УСЕ ПРАЕКТЫ
| | |
Зямля пад Менскам падаражэе ў 37 разоў? 11:21, 16/03/2007  Нарматыўная цана на ўчастак такой самай плошчай на адлегласці 25 кіламетраў ад Менска была каля $90. Новая – прыкладна $330. У Камітэце па маёмасці “КП в Беларуси” пацвердзілі, што выкуп ва ўласнасць зямельных участкаў цяпер будзе праходзіць па-новаму. – Увесну ў парламенце ў другім чытанні будзе разглядацца новая рэдакцыя Кодэкса аб зямлі, які прадугледжвае пераход ад нарматыўных цэнаў на кадастравы кошт пры выкупе ўчасткаў ва ўласнасць грамадзянаў, – распавёў начальнік кіравання ўліку земляў і ацэнкі нерухомасці Аляксандр ДАЎЖАНКОЎ. – Што гэта азначае? – Нарматыўная цана ў садоўніцкіх таварыствах разлічвалася ў залежнасці ад якасці зямлі. Спецыялісты бралі глебавую карту і лічылі: калі землі ўрадлівыя, то афармленне ўчастку ва ўласнасць абыходзілася даражэй, калі бедныя, то танней. Улічвалася таксама і месцазнаходжанне ўчастку. – А што ўлічваецца пры кадастравай ацэнцы? – Урадлівасць глебы зараз істотнага значэння не мае. Галоўную ролю будзе іграць месцазнаходжанне ўчастку (чым бліжэй да Менска і абласных цэнтраў, тым даражэй), а таксама наяўнасць інфраструктуры: вада, газ, электрычнасць. Калі да садовага таварыства вядзе добрая дарога, то гэта падвышае кошт участку, калі ёсць газ, то кошт яшчэ вышэйшы. – Чаму вырашылі змяніць сістэму выкупу? – Нарматыўныя цэны не ўлічваюць рэальны кошт зямельных участкаў. Калі дачнік выкупляе ў дзяржавы свой участак па сімвалічных цэнах – ільготнай, нарматыўнай, а потым перапрадае яго ўтрая даражэй, ён атрымоўвае незаслужаныя прыбыткі! А кадастравы кошт наблізіць куплю ў дзяржавы зямельных участкаў да рынкавага кошту, каб выключыць магчымасць спекуляцый з зямлёй. Каб не было як сёння: купіў за 3 капейкі, прадаў за 1000 рублёў... – Гэта значыць, што цэны на зямельныя ўчасткі, якія выкупаюцца ў дзяржавы, нашмат вырастуць? – Я так не сказаў бы. У гарадах кадастравы кошт зямельных участкаў сапраўды будзе вышэйшым, а ў сельскай мясцовасці, садоўніцкіх таварыствах, размешчаных удалечыні ад гарадоў, – значна ніжэйшым. – А чаму чалавек, дакументы якога знаходзяцца ў выканкаме з 5 студзеня, цяпер не можа выкупіць участак па нарматыўных цэнах? – Не можа, бо нарматыўныя цэны дзейнічалі толькі да 1 студзеня 2007 года. Разам з тым, калі грамадзянін падаў заяву аб перадачы зямельнага ўчастку ў прыватную ўласнасць да 1 снежня 2007 года, і яна была зарэгістравана, то выканкам у 2007 годзе можа прыняць рашэнне аб перадачы зямельнага ўчастку ва ўласнасць па нарматыўнай цане. Дарэчы, а дзе гэтыя людзі былі з 1993 года? Права прыватнай уласнасці на зямлю ў Беларусі ўзнікла 14 гадоў таму, прычым тады і выкупляць участкі можна было па льготнай цане, за капейкі... Сёння з усіх земляў, якія знаходзяцца ў грамадзян, выкуплена ва ўласнасць дзесьці 7,4% (гаворка ідзе не толькі пра дачнікаў). – Трохі. Калі заробяць новыя цэны? – Гэта сказаць пакуль складана. Кодэкс, калі будзе прыняты, можа ўступіць у сілу з 1 студзеня 2008 года. Але намі падрыхтаваны нарматыўны прававы акт, які прадугледжвае перадачу ўчасткаў па кадастравым кошце, ён цяпер знаходзіцца на разглядзе ў Савеце міністраў. Калі ён будзе прыняты, выкуп па кадастравай цане можа пачацца раней. 
1998-2007 © Хартыя'97. E-mail: charter@charter97.org Паважаныя кaлегi, нагадваем вам, што пад час выкарыстаньня матэрыялаў сайта спасылка на прэсавы цэнтар Хартыi'97 абавязковая Рэкляма на сайце. Тэхнічная падтрымка webmaster@charter97.org. Экспарт навiнаў  , iнформэр
| | | |
