Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Паўла Севярынца 5,5 гадзінаў трымалі пад вартай 11:37, 16/03/2007
Мінулую ноч бацькі палітыка і ягоныя сябры спрабавалі высьветліць, куды завезьлі палітвязьня Паўла Севярынца супрацоўнікі Наваполацкай спэцкамэндатуры. Нагадаем, што ўчора ў часе працоўнае зьмены на лесаўчастак у вёсцы Алёшча па зьняволенага палітыка прыйшла службовая машына, і з тае пары зьвязацца зь ім было немагчыма.
Дзяжурны спэцкамэндатуры ў адказ на тэлефанаваньні тлумачыў хіба тое, што Севярынца нібыта павезьлі ў Малое Сітна, дзе месьціцца інтэрнат "хімікаў", з прычыны нейкае ўнутранае праверкі. Але спраўдзіць гэта бацькам Паўла так і не ўдалося: мабільнай тэлефоннай сувязі ў Малым Сітне няма, а ў хаце камэнданткі інтэрната, дзе ёсьць звычайны тэлефон, цягам усяго вечара й начы ніхто не здымаў слухаўку.
Толькі сёньня ўраньні бацькі Паўла Севярынца здолелі зьвязацца з сынам, бо ён ужо выйшаў на працу, перадала “Радыё Свабода”. Павал паведаміў, што на службовай машыне спэцкамэндатуры яго насамрэч адвезьлі ў інтэрнат, прычым суправажаў яго асабіста начальнік спэцкамэндатуры Ігар Дамуць. Цягам пяці з паловай гадзін яго прытрымалі пад вартай, а потым супрацоўнікі спэцкамэндатуры зьехалі, так і не патлумачыўшы прычынаў "хатняга арышту".
