Вы находитесь на старой версии сайта "Хартия'97 - Новости Беларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Рада Еўропы будзе ўважліва сачыць за падзеямі ў Беларусі 25 сакавіка 11:07, 17/03/2007
Парламенцкая Асамблея Рады Еўропы (ПАРЕ) будзе ўважліва сачыць за падзеямі ў Беларусі 25 сакавіка. Пра гэта заявіў кіраўнік Асамблеі Рэнэ ван дэр Ліндэн падчас выступу 16 сакавіка на паседжанні Пастаяннага камітэта ПАРЕ у Парыжы, паведамляе афіцыйны сайт ПАРЕ.
Рэнэ ван дэр Ліндэн выступіў з рэзкім асуджэннем нядаўніх арыштаў лідэра Партыі БНФ Вінцука Вячоркі і грамадскага актывіста Вячаслава Сіўчыка. Кіраўнік ПАРЕ падкрэсліў, што гэтыя арышты “тым больш недапушчальныя” пасля таго, як у студзені 2007 года падчас візіту Рэнэ ван дэр Ліндэна ў Менск беларускія ўлады заяўлялі “пра сваё жаданне заняць больш канструктыўную пазіцыю ў стасунках з Еўропай і палепшыць палітычны клімат у краіне”. Гэта крок назад, які падвяргае небяспецы магчымасць перагляду наяўных стасункаў паміж Беларуссю і ПАРЕ, падкрэсліў Рэнэ ван дэр Ліндэн.
Кіраўнік ПАРЕ заклікаў беларускія ўлады зрабіць “пэўныя крокі для поўнай павагі дэмакратыі, правоў чалавека і вяршэнства закона”. Рэнэ ван дэр Ліндэн таксама падкрэсліў, што мае намер абмеркаваць гэтую праблему непасрэдна з спікерам “палаты прадстаўнікоў” “нацыянальнага сходу” Беларусі.
, iнформэр
