Maariv: Сірыя рыхтуецца да вайны з Ізраілем, закупляючы расейскую зброю :: Хартыя'97 :: Навiны

Сірыя рыхтуе сваё войска да вайны з Ізраілем і ўзмоцненымі тэмпамі закупляе зброю расейскай вытворчасці, піша ў панядзелак ізраільская газета Maariv (поўны тэкст на сайце InoPressa.ru).

Яшчэ ўлетку, з заканчэннем Другой ліванскай вайны, былі заўважаныя крокі сірыйцаў па падрыхтоўцы да вайны. Прагучалі заявы сірыйскага прэзідэнта Башара Асада пра тое, што, калі заклікі да мірных перамоваў застануцца без адказу, Сірыя разгледзіць магчымасць сілай вярнуць Галанскія вышыні, і сірыйцы пачалі рыхтавацца да магчымага ўзброенага сутыкнення.

Сірыйцы нарошчваюць намаганні па закупе сучасных супрацьтанкавых ракет расейскай вытворчасці. Акрамя таго, паводле інфармацыі, якая з’явілася ў прэсе, сірыйцы працягваюць вытворчасць ракет сярэдняга радыусу дзеяння калібру 220 і 302 мм і вядуць працы па ўзмацненні ўмацаванняў на сірыйска-ізраільскай мяжы ў раёне Галанскіх вышынь.

Да гэтага варта дадаць спробы сірыйцаў мадэрнізаваць узбраенне на службе ВМС і сістэму супрацьтанкавых ракет з мэтай дамагчыся вайсковай перавагі над Ізраілем у паветранай прасторы. Падчас вайны ў Ліване гэтай перавагай валодала габрэйская дзяржава, піша газета.

Іран фінансуе вялікую частку пагадненняў па закупе расейскай зброі, кошт якіх ацэньваецца ў сотні мільёнаў даляраў. Пры гэтым Іран дзейнічае ў сваіх інтарэсах, ставячы мэтай умацаваць стратэгічнае супрацоўніцтва з Сірыяй і “Хізбалах”. У Ізраілі сірыйскія пагадненні па закупе сучаснай зброі выклікаюць сур’ёзную занепакоенасць сістэмай бяспекі, бо папярэдні досвед вучыць, што ўся зброя, прададзенае Расеяй Сірыі, пераходзіць у распараджэння “Хізбалах”.

У гутарках з ізраільскімі прадстаўнікамі расейскі бок сцвярджае, што Расея прадае Сірыі толькі ахоўныя сістэмы. Нягледзячы на гэта, у Ізраілі лічаць, што ўсё паказвае на тое, што мадэрнізацыя абароннай сілы Сірыі дазволіць гэтай дзяржаве ў будучыні перайсці ў нападзенне. Цяпер палітычная сітуацыя не дазваляе Ізраілю замінаць пастаўкам расейскай зброі ў Сірыю і Іран.