Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
25 сакавіка ў Вашынгтоне падтрымаюць беларусаў 10:06, 19/03/2007
25 сакавіка каля будынка амбасады Беларусі ў Вашынгтоне адбудзецца дэманстрацыя ў падтрымку беларускіх палітвязняў і дэмакратычных ператварэнняў у краіне. Арганізатарам акцыі выступае грамадзянская ініцыятыва “Погляд”. Па словах яе прадстаўнікоў, дэманстранты арганізуюць сімвалічную “плошчу Кастуся Каліноўскага” – знак салідарнасці з беларусамі, якія выйдуць у гэты дзень на вуліцы Менска, каб падтрымаць дэмакратычныя працэсы ў краіне.
Генеральнай рэпетыцыяй акцыі можна лічыць дэманстрацыю, якая адбылася каля сцен амбасады Беларусі ў Вашынгтоне 16 сакавіка. Па словах кіраўніка “Погляду” Хенры Джонсана, нягледзячы на цяжкія пагодныя ўмовы – дождж і мокры снег, – некалькі дэманстрантаў прыйшлі да будынка дыпмісіі і правялі традыцыйную акцыю ў Дзень салідарнасці з Беларуссю. Дарэчы, такія мерапрыемствы праводзяцца ў Вашынгтоне 16 дня кожнага месяца.
