Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Баранавічах прайшоў стыхійны мітынг прадпрымальнікаў 12:02, 19/03/2007
Дробныя прадпрымальнікі, якія працуюць на Баранавіцкім рынку, сабраліся 17 сакавіка насупраць будынку адміністрацыі рынку й падаткавай інспэкцыі на стыхійны мітынг. Гандляры патрабавалі адмяніць прэзыдэнцкі указ №760, паводле якога індывідуальным прадпрымальнікам забаронена наймаць на працу несваякоў.
Як паведаміла “Радыё Свабода”, супрацоўнікі міліцыі ў форме і ў цывільным, якія прысутнічалі на месцы правядзеньня мітынгу, патрабавалі, каб прадпрымальнікі спынілі сваю акцыю ды разышліся. Яны прапанавалі абраць дэлегатаў і накіраваць іх на перамовы ў адміністрацыю рынку й падаткавую інспэкцыю.
Прадпрымальнікаў не задаволіла такое разьвіцьцё падзеяў, і яны паабяцалі, што найбліжэйшым часам зноў зьбяруцца на мітынг. Свае патрабаваньні яны выклалі на паперы.
