Пешаходаў возьмуць на кантроль :: Хартыя'97 :: Навiны

Комплексныя мерапрыемствы “Пешаход” адбудуцца ў Менску з 19 па 28 сакавіка. Пра гэта карэспандэнту БелТА паведаміў старэйшы інспектар Дзяржаўтаінспекцыі сталіцы Дзмітрый Марозаў.

Па яго словах, акцыя накіраваная на прафілактыку парушэнняў правіл дарожнага руху яго пешымі ўдзельнікамі, а таксама выхаванне ў іх дысцыплінаваных, адказных паводзінаў на дарозе. У гэты перыяд на вуліцах сталіцы будуць дзейнічаць мабільныя групы дарожна-патрульнай службы, якія адмысловую ўвагу нададуць спыненню парушэнняў з боку п’яных пешаходаў, захаванню правіл перасячэння дарог, парадку на пешаходных пераходах.

Прадстаўнік ДАІ таксама падкрэсліў, што апроч гэтага да парушальнікаў будуць ужывацца адпаведныя меры адміністрацыйнага ўздзеяння. Дарэчы, згодна з новым КаАП, які ўступіў ў сілу з 1 сакавіка гэтага года, у залежнасці ад віны пешахода прадугледжваецца накладанне штрафу ў памеры ад 0,5 да 20 базавых велічынь.

Дзмітрый Марозаў адзначыў, што з пачатку года ў параўнанні з аналагічным перыядам 2006 года ў сталіцы павялічыліся колькасць ДТЗ з удзелам пешаходаў і ўзровень іх траўматызму. Усяго па іх непасрэднай віне здзейсненыя больш як 60 здарэнняў, у якіх каля 15 чалавек загінулі і больш за 50 атрымалі раненні рознай ступені.