Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У кватэрах менчукоў 4–5 красавіка можа быць горача 13:36, 20/03/2007
У кватэрах менчукоў 4–5 красавіка можа быць горача ў сувязі з правядзеннем выпрабаванняў цеплавых сетак. Як паведамілі карэспандэнту БелТА у РУП "Менскэнерга", падчас планавых прафілактычных прац па падрыхтоўцы да ацяпляльнага сезону 2007–2008 года спецыялісты Менскіх цеплавых сетак з 4 па 5 красавіка будуць выпрабоўваць трубы на максімальную тэмпературу цепланосьбіта.
Выпрабаванні будуць праводзіцца ў мікрараёнах "Малінаўка", "Паўднёвы Захад", "Захад", "Кунцаўшчына", "Чырвоны бор", "Сухарава", цэнтральнай часткі горада і іншых раёнах Менска. Падчас даследавання цепласетак магчымае падвышэнне тэмпературы ацяпляльных прыбораў і паветра ў памяшканнях, якія абаграюцца.
Як адзначылі спецыялісты “Менскэнерга”, выпрабаванні праводзяцца з мэтай выяўлення дэфектных і ненадзейных участкаў трубаправодаў цеплавых сетак. Пры выяўленні на тэрыторыі жылога сектара непаладак у працы цеплатрас (магчымай уцечкі цепланосьбіта, паравання, стварэння прамоін) грамадзянаў просяць быць асцярожнымі і пра такія факты ў тэрміновым парадку інфармаваць дыспетчара цеплавых сетак (тэл. 298 27 27, 298 27 37) або найбліжэйшы ГДУП "ЖЭУ".
