Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Народны Рух Украіны і Украінская народная партыя падтрымалі беларускіх дэмакратаў 11:26, 20/03/2007
Лідэр Народнага Руху Украіны Барыс Тарасюк і кіраўнік Украінскай народнай партыі Юры Кастэнка асуджаюць рэпрэсіўныя меры беларускіх улад, накіраваныя супраць прадстаўнікоў апазіцыі. Пра гэта гаворыцца ў сумеснай заяве кіраўнікоў украінскіх партый, паведамляе ЛІГАБізнесІнформ.
“НРУ і УНП заўсёды падтрымлівалі імкненне нацыянальна-дэмакратычных сілаў Беларусі да сцвярджэння дэмакратыі і правоў чалавека, беларускага нацыянальнага адраджэння. Менавіта таму мы разглядаем арышты лідэраў апазіцыі як палітычную расправу і выказваем рашучы пратэст усялякім гвалтоўным дзеянням”, – гаворыцца ў заяве.
Дзеянні КДБ Беларусі напярэдадні Дня Волі (25 сакавіка) прадстаўнікі ўкраінскіх партый лічаць “выразнай дэманстрацыяй цяперашняга стаўлення беларускай улады да людзей з іншымі палітычнымі поглядамі і з’яўляюцца фактам парушэння асноўных правоў на адстойванне ўласных палітычных перакананняў і свабоды палітычнай дзейнасці”.
Народны Рух Украіны і Украінская народная партыя заклікалі міжнародную супольнасць абараніць беларускіх патрыётаў.
