Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Старшыня Еўрапарламента: «Святкаванне Дня Волі будзе важным тэстам для рэжыму Лукашэнкі» 11:34, 20/03/2007
Старшыня Еўрапейскага Парламента Ганс-Герт Пётэрынг павіншаваў беларускі народ з надыходзячым сьвятам – Днём Волі, якое будзе адзначацца ў краіне 25 сакавіка. Аб гэтым старшыня Еўрапарламента напісаў у лісце да лідэра дэмакратычных сілаў Беларусі Аляксандра Мілінкевіча. “Для Беларусі наступае вырашальны момант, калі яна мусіць выбраць - альбо рухацца ў бок супрацоўніцтва з Еўрасаюзам, як гэта зрабілі Грузія і Украіна, альбо заставацца яшчэ больш ізаляванай у якасці апошняй еўрапейскай дыктатуры, - адзначаецца ў лісце старшыні Еўрапарламента. Ганс-Герт Пётэрынг падкрэсліў, што “святкаванне Дня Волі будзе важным тэстам для рэжыму Лукашэнкі і пакажа Еўропе наколькі сур’ёзнымі з’яўляюцца ягоныя нядаўнія словы адносна збліжэння з Еўропай.”
“Нягледзячы на трывожныя сігналы, якія ідуць з Мінска пра ціск на грамадзянскую супольнасць ды пераслед апазіцыі і нават яшчэ большае пагаршэнне сітуацыі з правамі чалавека, я застаюся аптымістам і шчыра веру, што надыйдзе дзень, калі Беларусь нарэшце стане свабоднай, дэмакратычнай і адкрытай краінай”, - дадаў старшыня Еўрапейскага парламента Ганс-Герт Пётэрынг у лісце да лідэра дэмакратычных сілаў Аляксандра Мілінкевіча.
