Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Ва ўрад Расеі перададзены праект пастановы аб нафтаправодзе ў абыход Беларусі 09:42, 21/03/2007
Ва ўрад Расеі перададзены на разгляд і сцвярджэнне праект пастановы аб будаўніцтве нафтаправода “Унеча (Бранская вобласць) – Прыморск (Ленінградская вобласць)”. Дакумент узгоднены ўсімі зацікаўленымі міністэрствамі і ведамствамі, паведаміла 20 сакавіка агенцтва Прайм-ТАСС са спасылкай на крыніцу ў Міністэрстве прамысловасці і энергетыкі Расеі.
Раней прэзідэнт расейскай кампаніі “Транснефть” Сямён Вайншток заявіў, што будаўніцтва нафтаправода ў абыход Беларусі можа распачацца ў красавіку. Тэрмін будаўніцтва – паўтара гады. Магутнасць нафтаправода складзе 50 млн. тон нафты ў год.
8 студзеня ў выніку канфлікту Расеі і Беларусі з нагоды пошлін на транзіт нафты былі спыненыя пастаўкі вуглевадароднай сыравіны па нафтаправодзе “Дружба”, які праходзіць цераз беларускую тэрыторыю. Пасля адмены Менскам мыты прапампоўка нафты была адноўленая. Заходнія спажыўцы заявілі пра недапушчальнасць падобных крокаў, а прэзідэнт Расеі даручыў паскорыць распрацоўку альтэрнатыўных маршрутаў паставак нафты ў Еўропу. У 2006 годзе цераз Беларусь былі транспартаваныя 78,7 млн. тон нафты.
