Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусы Польшчы перадалі звароты ў амбасады 31 краін свету 14:04, 21/03/2007
Сёньня група беларусаў, якія жывуць у Варшаве, скончыла акцыю перадачы звароту ў амбасады краінаў Эўразьвязу і іншых найбольш уплывовых дзяржаваў сьвету. У дакумэнце -- заклік падтрымаць ініцыятыву польскага Сэнату і таксама зьвярнуцца да беларускіх уладаў з патрабаваньнем неадкладнага вызваленьня палітвязьняў.
Цягам некалькіх тыдняў ініцыятары акцыі наведалі 31 амбасаду – 27 амбасадаў краінаў Эўразьвязу, а таксама Расеі, Канады, ЗША і Украіны. Віталь Чэравач, які браў удзел ў перадачы зваротаў, кажа, што амаль паўсюль замежныя дыпляматы сустрэлі беларусаў ветліва і ўважліва іх выслухалі.
Аўтар ідэі правядзеньня акцыі Ігар Крыштон, задаволены яе вынікамі.
“Прадстаўнікі краінаў Эўразьвязу добра арыентуюцца ў беларускіх падзеях. Яны прымаюць нашы звароты і абяцаюць перадаць прэзыдэнтам і парлямэнтам сваіх краінаў”, -- заявіў Крыштон “Радыё Свабода”.
У звароце ўтрымліваецца таксама заклік не пачынаць перамоваў з беларускімі ўладамі, пакуль тыя ня пойдуць на саступкі і не вызваляць палітвязьняў.
