Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
25 сакавіка БРСМ рыхтуе святочныя мерапрыемства «За незалежную Беларусь!» 13:23, 22/03/2007
У Менску 25 сакавіка адбудзецца шэраг святочных культурна-масавых мерапрыемстваў у рамках рэспубліканскай грамадска-патрыятычнай акцыі “За незалежную Беларусь!”. Пра гэта БелаПАН паведамілі ў прэс-службе Менгарвыканкама.
25 сакавіка а 12 гадзіне на пляцоўцы каля Нацыянальнай бібліятэкі пачнецца канцэрт творчых калектываў і выканаўцаў, а таксама адкрыецца кірмаш.
Таксама ў рамках акцыі ў аэрапорце “Мінск-1” пройдзе моладзевы фэст вулічнай культуры.
Па словах намесніка начальніка ўпраўлення ідэалагічнай працы Менгарвыканкама Уладзіміра Зубрыка, ініцыятарам і арганізатарам правядзення акцыі выступіў Беларускі рэспубліканскі саюз моладзі, а суарганізатарам – аддзел па справах моладзі Менгарвыканкама.
Нагадаем, 25 сакавіка дэмакраты плануюць правесці масавую акцыю – Дзень Волі – на Кастрычніцкай плошчы ў Менску, прысвечаную 89-ай гадавіне стварэння БНР.
