Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міліцыянты прасілі ў Корбана бел-чырвона-белыя сьцягі 14:19, 22/03/2007
Моладзевага актывіста Алега Корбана вызвалілі, пратрымаўшы болей за тры гадзіны.Супрацоўнікі міліцыі Партызанскага раёну Менску цікавіліся ў Корбана, дзе могуць быць бел-чырвона-белыя сьцягі і інфармацыйныя ўлёткі пра акцыю на Дзень Волі 25 сакавіка.
Алега Корбана затрымалі сёньня зранку. А.Корбан зьяўляецца падазраваным у крымінальнай справе. Справа заведзеная паводле крымінальнага артыкулу "Ўдзел у незарэгістраванай арганізацыі".
Нагадаем, што 25 сакавіка пройдзе масавая акцыя – Дзень Волі – на Кастрычніцкай плошчы ў Менску, прысвечаная 89-ай гадавіне стварэння БНР. У гэты ж дзень у сталіцы праўладныя арганізацыі праводзяць шэраг культурна-масавых мерапрыемстваў у рамках рэспубліканскай грамадска-патрыятычнай акцыі “За незалежную Беларусь!”. Магчыма, уладам спатрэбілся для гэтых акцыяў нацыянальныя бел-чырвона-белыя сьцягі.
