Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Літве заклікаюць сьвяткаваць разам з беларусамі Дзень Волі 10:31, 22/03/2007
Гэтымі днямі ў літоўскай блогасфэры пачаў пашырацца зварот з заклікам да салідарнасьці зь беларусамі з нагоды адзначэньня Дня Волі.
“Радыё Свабода” прыводзіць тэкст звароту:
“У дзень 25 сакавіка беларусы святкуюць Дзень Волі. Будзьма салідарнымі з народам, які імкнецца да волі і святкуйма разам!
Мы літоўцы, можам карыстацца з магчымасцяў, якія дае свабода, чаго пазбаўленыя нашыя суседзі. Сённяшнія іхныя дзяржаўныя сымболі прыгадваюць доўгія гады нашай акупацыі. Мы выступаем за права народа выбіраць сваю свабоду і яе сымболі.
Старажытны літоўцы і беларусы жылі разам у супольнай дзяржаве – Вялікім Княстве Літоўскім, і мелі супольны герб – Пагоню. Разам мы вытрымалі прыгнёт Расійскай імперыі і Савецкага Саюзу. Сёння нашыя шляхі разышліся. Але Пагоня застанецца нашым супольным сымбалем свабоды”.
