Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Аляксандр Мілінкевіч: «Улады ўжо часткова прызналі Дзень Волі» 14:36, 22/03/2007
“Той факт, што ўлады плануюць праводзіць 25 сакавіка ў Менску мерапрыемствы пад лозунгам “За незалежную Беларусь!”, на мой погляд, гаворыць пра тое, што яны часткова прызналі свята, але пакуль яшчэ не гатовыя святкаваць гэты дзень разам з народам. Наступным крокам можа стаць наданне Дню Волі статусу дзяржаўнага свята. Я заклікаю беларусаў прыйсці 25 сакавіка на плошчу Каліноўскага ў Менску, каб разам адсвяткаваць Дзень Волі, прадэманстраваць гатоўнасць абараняць незалежнасць краіны, якая сёння апынулася пад пагрозай. Улада таксама павінна падумаць пра краіну, пра людзей і станоўча адказаць на прапановы Еўрапейскага Звяза пачаць у Беларусі дэмакратычныя ператварэнні. Час для гэтага прыйшоў”, – заявіў лідэр дэмакратычных сілаў Беларусі Аляксандр Мілінкевіч у інтэрв’ю прэс-цэнтру Хартыі’97.
