Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
«Газпром»: «Белтрансгаз» усё роўна купім 15:48, 23/03/2007
Сумеснае прадпрыемства з ААТ “Газпром” на базе “Белтрансгаза” будзе створанае да 1 ліпеня 2007 года, нават калі беларускі бок не верне надбаўку пры продажы газу ўнутраным спажыўцам на ранейшы ўзровень $18/тыс. кубаметраў. Пра гэта заявіў намеснік старшыні “Газпрома” Андрэй Круглоў. “Тое, што мы папрасілі аднавіць надбаўку – гэта наша першая рэакцыя на інфармацыю пра яе адмену беларускім бокам”, – сказаў намеснік старшыні праўлення “Газпрома”. Ён выказаў перакананасць, што варыянты рашэння дадзенай праблемы будуць знойдзеныя падчас перамоваў.
Паводле Круглова, “50% у СП, якое ствараецца, не даюць нам кантролю ў ім, а толькі пэўны ўплыў. Пры заключэнні дамовы з Расеяй мы будзем мець больш магчымасцяў ацэньваць працу прадпрыемства і сумесна ставіць пытанні, важныя для расейскага боку”, – паведаміў “Прайм-ТАСС”.
