Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Кіраўнік расейскага ўрада наведае сёння Менск 09:52, 23/03/2007
Прэм’ер-міністр РФ Міхаіл Фрадкоў сёння ў другой палове дня наведае Менск. Як паведамілі ў прэс-службе расейскага ўрада, запланаваная гутарка М.Фрадкова з яго беларускім калегам Сяргеем Сідорскім. Акрамя таго, чакаюць, што прэм’ер РФ возьме ўдзел у паседжанні Савета міністраў так званай саюзнай дзяржавы.
Па словах крыніцы, блізкай да перамоваў, міністры разлічваюць разгледзець баланс паліўна-энергетычных рэсурсаў «саюза» на 2007 год. Чакаюць абмеркавання прагнозу сацыяльна-эканамічнага развіцця “саюзнай дзяржавы” ў 2007 г. і параметры прагнозу да 2009 г., а таксама падвядзенне вынікаў гандлёва-эканамічнага супрацоўніцтва Расеі і Беларусі ў 2006 г. Бакі таксама маюць намер разгледзець праект праграмы ўладкавання знешняй мяжы «саюза». Усяго ў парадак дня паседжання Савета міністраў ўключаныя больш за дваццаць пытанняў.
