Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Прэм`ер Літвы: «Беларусь – гэта неад`емная частка Эўропы» 13:01, 24/03/2007
Кіраўнік ураду Літоўскай Рэспублікі Гедымінас Кіркілас выступіў з адмысловым зваротам да грамадзянаў сваёй краіны. Гэты дакумэнт прысьвечаны 50-м угодкам Рымскай дамовы, якая стала пачаткам стварэньня Эўразьвязу.
У сваім звароце Гедымінас Кіркілас закрануў і Беларусь. У прыватнасьці, ён падкрэсьліў, што "Літва актыўна намагаецца дапамагаць у замацаваньні эўрапейскіх каштоўнасьцяў на ўсім мацерыку. Нашыя суседзі, перадусім Беларусь, а таксама Ўкраіна і Малдова зьяўляюцца непадзельнай часткай эўрапейскага кантынэнту. Эўрапейскі Зьвяз павінен быць адкрытым для сваіх суседзяў, павінен дапамагчы ўсталяваць дэмакратыю, стабільнасьць і дабрабыт". Аб гэтым паведаміла “Радыё Свабода”.
