Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Улады пацвярджаюць гібель у Самалі беларускага самалёта і яго экіпажа 11:52, 24/03/2007
Улады Беларусі пацвярджаюць факт гібелі ў Самалі беларускага самалёта Іл–76 і яго экіпажа. Як паведамілі “Інтэрфаксу” ў Міністэрстве транспарту, авіялайнер Іл–76, які належыў беларускай кампаніі “Трансавіяэкспарт”, быў збіты непасрэдна над горадам пры заходзе на пасадку, мяркуюць, ПТУРСам. Самалёт рухнуў на гарадскія кварталы і загарэўся.
На дадзены момант з-пад абломкаў самалёта вынятыя целы 7 загінулых беларускіх лётчыкаў. Цела камандзіра экіпажа Ігара Вашкевіча пакуль не знойдзенае. Па папярэдніх дадзеных, на борце збітага самалёта знаходзілася 11 чалавек.
Самалёт выконваў рэйс у Магадзіша, каб забраць адтуль рухавікі і абсталяванне ад раней збітага на пачатку сакавіка ў Магадзішы іншага Іл–76, які, па ацэнках спецыялістаў, не падлягае аднаўленню.
