Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Шматтысячныя дэманстрацыі ў Менску (Live) 13:11, 25/03/2007
Дэманстрацыі, прысвечаныя абвяшчэнню БНР, праходзяць гэтым часам у цэнтры Менска. Сілам міліцыі атрымалася раздзяліць людзей на дзве вялікія калоны. Адна з іх цяпер знаходзіцца ў раёне Палаца спорту на праспекце Пераможцаў. Другая рухаецца па ходніках праспекта Незалежнасці ў бок Акадэміі Навук. Па ацэнках журналістаў, праваабаронцаў і замежных назіральнікаў, у кожнай з гэтых калон налічваецца да 5 тысяч чалавек. Дэманстранты нясуць бел-чырвона-белыя сцягі, сцягі ЕЗ, сцягі з гербам горада Менска, сцягі беларускіх палітычных партый і рухаў. У калонах таксама бачныя транспаранты "Свабоду палітвязням", "Свабоду Казуліну", "Беларусь у Еўропу". Дзеяннямі ў горадзе камандуе палкоўнік Паўлічэнка і камандзір ПМСН Юры Падабед. У працэсе правядзення дэманстрацыі назіраюцца сутычкі, якія правакуе міліцыі. Такая сітуацыя склалася ў Менску да 13.00. Сачыце за нашымі абнаўленнямі.
