Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Дзень Волі беларусы выйшлі на вуліцы Менска 12:17, 25/03/2007
Тысячы беларусаў выйшлі сёння ў цэнтр Менска на праспект Незалежнасці. Сёння краіна святкуе Дзень Волі. Людзі не змаглі сабрацца на Кастрычніцкай плошчы, дзе быў запланаваны пачатак акцыі. Плошча з самай раніцы была ачэпленая міліцыяй і АМАПам. На чале калоны рухаецца лідэр апазіцыі Аляксандр Мілінкевіч, які павіншаваў праз мегафон людзей з святам. У адказ міліцыя пачала разгон акцыі. Сотні супрацоўнікаў міліцыі і АМАПа выштурхоўваюць людзей, якія працягваюць рухацца па праспекце Незалежнасці. Іх б’юць дубінкамі па спінах, груба выштурхваючы з праспекта.
У гэты самы час у іншай частцы праспекта, поруч цырка, таксама ўжо сабраліся тысячы людзей. Яны ачэпленыя міліцыянтамі і не могуць прайсці на Кастрычніцкую плошчу. Назіраць за акцыяй апазіцыі ў Менску прыехалі віцэ-прэзідэнт Еўрапейскага Парламента Януш Анышкевіч, дэпутаты Еўрапарламента, польскага Сойма, нямецкага Бундэстага, Дзярждумы Расеі. За ходам акцыі назіраюць супрацоўнікі офіса АБСЕ, амбасадары краін Еўразвяза і ЗША.
, iнформэр
