Вы находитесь на старой версии сайта "Хартия'97 - Новости Беларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Глава крупнейшей фракции Европарламента — Европейская народная партия (христианские демократы) и Европейские демократы — Джозеф Дол назвал "абсолютно неприемлемыми" действия белорусских властей 25 марта во время мирной демонстрации оппозиции в Минске. Соответствующее заявление размещено 26 марта на официальном сайте Европарламента.
Мытная служба аэрапорта “Менск–2” вярнула каардынатару Хартыі’97 Андрэю Саннікаву грошы, канфіскаваныя ў яго ў сакавіку 2006 года. З моманту канфіскацыі мінуў роўна год.
У Фрунзенскім судзе Менска за ўдзел у мірнай акцыі ў Дзень Волі да 5 сутак арышту прысуджаныя актывісты апазіцыі Андрэй Ігнатовіч і Аляксандр Рубан. На трое сутак арыштаваныя Уладзімір Галавань, Аляксандр Курбацкі. Кастусь Кароль аштрафаваны на дзве базавыя велічыні (62 тысячы беларускіх рублёў).
У спецпрыёмніку-размеркавальніку ГУУС Менгарвыканкама на вуліцы Акрэсціна ў Менску адмаўляюцца прымаць прадуктовыя перадачы для асуджаных актывістаў апазіцыі. Па ўдакладненых дадзеных штаба лідэра дэмакратычных сілаў Беларусі Аляксандра Мілінкевіча, 97 чалавек былі арыштаваныя ў розных рэгіёнах Беларусі падчас падрыхтоўкі і святкавання Дня Волі 25 сакавіка.
Пры падтрымцы «Міжнароднай амністыі», нідэрландскай ініцыятывы Mission to Minsk і грамадзянскай ініцыятывы «Мы памятаем» 25 сакавіка ў Амстэрдаме прайшла акцыя, прымеркаваная да Дня Волі.
Учора на Замкавай плошчы Старога гораду ў Варшаве адбыўся грандыёзны канцэрт беларускіх і польскіх музыкаў “Салідарныя зь Беларусьсю”. Імпрэза была прымеркаваная да сьвята беларускай незалежнасьці.
Сёньня апоўдні грамадзкую актывістку Крысьціну Шацікаву вызвалілі з магілёўскага псыхіятрычнага шпіталю. Як паведаміла К.Шацікава БелаПАН, урачы не паставілі ёй дыягназ. «Усе пытанні на маёй сустрэчы з урачамі медыцынскай тэмы нават не тычыліся. Мяне запытвалі, з кім я маю зносіны, хто да мяне прыходзіць у госці, хто мне тэлефануе. Гэта значыць, што тут чыстая палітыка, а не медыцына. Маёй маці паведамілі, што я псіхічна здаровая, але проста неардынарная асоба», — распявала К.Шацікава.
“Кіраўнік дзяржавы знаходзіцца ў сваёй рэзідэнцыі ў Менску, прымае службоўцаў з дакладамі, працуе з дакументамі. Усё ў звычайным рэжыме”, – паведаміў БелаПАН кіраўнік прэс-службы прэзідэнта Павел Лёгкі. Апошнімі днямі ў інтэрнэце з’явіліся чуткі пра тое, што Аляксандр Лукашэнка даўно не з’яўляецца на публіцы з прычыны праблем са здароўем. Апошні раз яго паказвалі па тэлебачанні 10 сакавіка, калі ён адкрываў горналыжны комплекс у Краснай Паляне (Расея).
Грамадзянка Украіны Анастасія Жыўкова прысуджаная да трох сутак адміністрацыйнага арышту. Такое рашэнне прыняў 26 сакавіка суд Цэнтральнага раёна Менска, паведаміла БелаПАН супрацоўніца прэс-службы Аб’яднанай грамадзянскай партыі Кацярына Ткачэнка.
Сёння ў розных судах Менска праходзяць суды над актывістамі апазіцыі, затрыманымі напярэдадні і падчас акцыі ў Дзень Волі. Моладзевы лідэр Аляксандр Атрошчанкаў быў прысуджаны ў Цэнтральным судзе Менска да 5 сутак арышту. Актывісты Аляксандр Сцепаненка і Антон Піеў таксама арыштаваныя на 5 сутак, Віталь Ціхановіч і Яўген Тарасевіч – на 3 сутак.
Праваабаронцу і журналісту Валерыю Шчукіну сёння ў Першамайскім РУУС Віцебска прад’явілі абвінавачванні ў парушэнні ч.2 арт. 189 Крымінальнага кодэкса Рэспублікі Беларусь. Пра гэта праваабаронца паведаміў прэс-цэнтру Хартыі’97. Шчукіну пагражае пазбаўленне волі на тэрмін да 2 гадоў.
Мінуў год са дня мірнай дэманстрацыі 25 сакавіка, падчас якой былы кандыдат на пасаду прэзідэнта Аляксандр Казулін быў схоплены, затым асуджаны на пяць с паловай гадоў. Напярэдадні гэтай сумнай гадавіны журналісты газэты «Новы Час» вырашылі пагутарыць з жонкай экс-кандыдата ў прэзідэнты Ірынай Iванаўнай Казулінай.
Удзельнікі учорашняга мерапрыемства “груба парушылі рашэньне менскіх уладаў аб маршруце правядзеньня акцыі і павінны несьці за гэта адказнасьць”. Пра гэта сёньня паведаміў кіраўнік менскай міліцыі генэрал Анатоль Куляшоў.
25 сакавіка, пасля шэсця па праспекце Незалежнасці і мітынгу каля Акадэміі Навук, калона моладзі накіравалася да Нацыянальнай бібліятэкі, дзе гэтым часам улады наладзілі канцэрт “За незалежную Беларусь!”. Міліцыя спрабавала не пусціць людзей пад нацыянальнымі і еўрапейскімі сцягамі на афіцыйныя мерапрыемствы. Улады спынілі канцэрт, калі даведаліся, што калона моладзі рухаецца ў бок бібліятэкі. “Мы пайшлі на канцэрт, таму што мы – за незалежную Беларусь! Але ўлады спалохаліся нас і спынілі канцэрт. Супрацоўнікі АМАПа спрабавалі не прапусціць нашу калону. Яны казалі, што гэтае мерапрыемства не для нас. Нам не далі сустрэцца з такімі самымі маладымі людзьмі, як і мы і разам адсвяткаваць Дзень Волі. Нас спрабуюць раздзяліць і раскалоць, але, нягледзячы на ўсё гэта мы, незалежна ад палітычных перакананняў, ад поглядаў, ад сацыяльнага становішча – адно пакаленне. Пакаленне свабодных людзей! Пакаленне Jeans!”, – заявіў моладзевы лідэр Мікіта Сасім, каментуючы прэс-цэнтру Хартыі’97 вынікі святкавання Дня Волі ў Менску.
Cёння судзяць затрыманых цягам апошніх трох сутак актывістаў апазыцыі ў Мінску і ў рэгіёнах. Усіх затрыманых абвінавацілі ў дробным хуліганстве. Паводле міліцыянтаў апазіцыянеры нецэнзурна лаяліся. Усяго за час падрыхтоўкі і святкавання Дня Волі 25 сакавіка было арыштавана больш за 100 чалавек з усіх рэгіёнаў Беларусі
У дзень святкавання Дня Волі ўлады ў чарговы раз распачалі спробу заблакаваць непажаданую інфармацыю ў Сетцы. Быў ужыты так званы “шэйпінг канала”, гэта значыць, штучнае паніжэнне прапускной магчымасці канала сувязі да непажаданага адрасу ў Інтэрнэце. У выніку наведвальнікі з Беларусі не здолелі атрымаць доступ да вызначаных сайтаў альбо доступ быў абцяжараны. Былі недаступныя так званы “Жывы Журнал” (сістэма інтэрнэт-дзённікаў), сайт Хартыі’97 і некаторыя іншыя рэсурсы. Варта адзначыць, што дзеянні па пазбаўленні грамадзянаў Беларусі праўдзівай інфармацыі з’яўляюцца злачынствам, і ўлада цынічна робіць саўдзельнікамі сваіх злачынстваў працаўнікоў дзяржаўнага інтэрнэт-правайдэра “Белтэлекома”. Ніякай нарматыўнай базы для блакавання інфармацыйных рэсурсаў у Беларусі няма і цяпер усё гэта выглядае як асабістая ініцыятыва кіраўніцтва “Белтэлекома”.
Гражданку Украины Анастасию Живкову судят сегодня в Центральном суде Минска за участие в мирной акции 25 марта. Об этом пресс-центру Хартии’97 сообщил консул посольства Украины в Минске Василий Сердега, который в настоящее время находится в суде.
Расейская служба панеўрапейскага тэлеканала Euronews у рэпартажы пра святкаванне ў Менску Дня Волі паведаміла, што ў акцыі апазіцыі ўзялі ўдзел усяго некалькі сотняў чалавек. У той самы час сусветныя інфармагенцтвы паведамлялі пра 10 тысяч беларусаў, якія выйшлі 25 сакавіка ў цэнтр Менска пад бел-чырвона-белымі нацыянальнымі сцягамі і сцягамі Еўразвяза.
25 сакавіка ў Берліне адзначылі 50-годдзе Рымскай дамовы, якая паклала пачатак Еўрапейскаму Звязу. У дні святкавання ў Нямеччыне прайшоў юбілейны саміт ЕЗ, які завяршыўся падпісаннем сумеснай Берлінскай заявы ЕЗ, Еўрапарламента і Еўракамісіі. Канцлерка Нямеччыны Ангела Меркель падчас выступу на саміце гаварыла пра Беларусі.
У Магілёўскай псіхіятрычнай лякарні адмысловая камісія сёньня вызначала псіхічны стан актывісткі апазіцыі Крысьціны Шацікавай, затрыманай і змешчанай у лякарню напярэдадні Дня Волі. “Радыё Свабода” паведаміла, што лекары прынялі рашэньне выпісаць Крысьціну Шацікаву. Праваабаронца Валянцін Стэфановіч назваў зьмяшчэньне актывісткі Крысьціны Шацікавай ў псіхіятрычную лякарню “адраджэньнем карнай псіхіятрыі ў Рэспубліцы Беларусь у духу брэжнеўскіх застойных гадоў”.
МЗС Польшчы ў адмысловай заяве з нагоды сьвяткаваньня ў Менску Дня Волі адзначае, што “успрымае з разчараваньнем інфармацыю пра рэакцыю беларускіх уладаў на мірную дэманстрацыю дэмакратычнай апазыцыі”.
25 сакавіка ля будынка ААН Беларускі моладзевы рух Амэрыкі зладзіў святочную дэманстрацыю прысвечаную 89-й гадавіне абвешчаньня Незалежнасьці Беларускай Народнай Рэспублікі. На пікеце сабралося каля 40 чалавек якія прыехалі з розных куткоў Амэрыкі – Нью-Ёрку, Нью-Джэрсі, Мэіна, Флорыды, Канэктыкута.
У Лёндане старэйшая беларуская арганізацыя “Згуртаваньне беларусаў Вялікабрытаніі” наладзіла ўрачыстую імшу з нагоды Дня Волі. Пасьля набажэнства каля сотні сяброў арганізацыі правялі ўрачыстае паседжаньне і наладзілі сьвяточную вячэру.
25 сакавіка, у гадавіну абвяшчэння Беларускай Народнай Рэспублікі, у Беларусі былі затрыманыя больш як 40 грамадскіх актывістаў. Па дадзеных праваабаронцаў, затрыманні адбываліся ў Менску, Гародні, Бярэсці, Віцебску, Рагачове, Рэчыцы. Паводле неафіцыйных дадзеных, каля 20 затрыманых актывістаў знаходзяцца ва УУС Першамайскага раёна Менска; некаторыя з іх збітыя.
Непасрэднымі сьведкамі і назіральнікамі ўчорашніх падзеяў былі паслы эўрапейскіх краінаў, супрацоўнікі офісу АБСЭ ў Менску і шэраг замежных палітыкаў, якія прыбылі ў беларускую сталіцу на сьвяткаваньне Дня волі. На просьбу “Радыё Свабода” яны дзеляцца сваімі ўражаньнямі.
25 сакавіка ў Кіеве ў рамках кампаніі “Беларуская вясна” на Майдане Незалежнасці прайшла акцыя “Першы ўкраінскі Кубак Лукашэнка па лыжным бегу на асфальце”.
25 сакавіка ў Маскве каля амбасады Беларусі адбыўся прымеркаваны да Дня Волі пікет у падтрымку беларускай апазіцыі, наладжаны рухамі «Змена» і «Абарона». Пікетчыкі перадалі ў амбасаду петыцыю з патрабаваннем вызваліць затрыманую 23 сакавіка ў Магілёве моладзевую актывістку Крысціну Шацікаву.
Учора падчас сьвяточнага мітынгу Дня Волі кіраўніком Аргкамітэту 25 Сакавіка Вінцуком Вячоркам былі названыя ляўрэаты прэміі Партыі БНФ. Нагадаем, што штогадовая прэмія была заснаваная Партыяй БНФ некалькі месяцаў таму. Атрымаць яе можна ў адной з трох намінацыяў.
«Мы адсвяткавалі 25 Сакавіка – Дзень Волі -- як найвялікшае свята. У гэты дзень беларускі народ узяў у свае рукі адказнасць за сваю краіну, за яе незалежнасць. Увесь сьвет пабачыў учора шматтысячную беларускую Волю. Нягледзячы на запалохванні і арышты, на вуліцы выйшла вельмі шмат людзей. Я адчуваю, што хутка ў краіне будуць вялікія перамены. Беларусь абавязкова стане дэмакратычнай, бо сёння гарантыяй незалежнасці можа быць толькі дэмакратыя», -- заявіў прэс-цэнтру Хартыі`97 лідэр беларускіх дэмакратычных сілаў Аляксандр Мілінкевіч, падводзячы вынікі акцыі 25 сакавіка ў Менску.
, iнформэр
