Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пры падтрымцы «Міжнароднай амністыі», нідэрландскай ініцыятывы Mission to Minsk і грамадзянскай ініцыятывы «Мы памятаем» 25 сакавіка ў Амстэрдаме прайшла акцыя, прымеркаваная да Дня Волі.
Акцыя праходзіла з 15:00 да 17:00 на адной з цэнтральных плошчаў Амстэрдама – Лейдсеплейн. Яе ўдзельнікі збіралі ў мінакоў подпісы пад петыцыямі з патрабаваннем да беларускіх улад тэрмінова правесці расследаванне гвалтоўных знікненняў Юрыя Захаранкі, Віктара Ганчара, Анатоля Красоўскага, Змітра Завадскага і неадкладна вызваліць палітычных вязняў Беларусі.
Мінакам таксама прапаноўвалася ўзяць удзел у перформансе “Свабодныя выбары ў Беларусі”, – прагаласаваць за дэмакратыю альбо за дыктатуру ў Беларусі. Першая частка перформансу адбылася 19 сакавіка ў Гаазе, тады свой голас у падтрымку дэмакратыі ў Беларусі аддалі дзесяткі галандцаў, у тым ліку такія вядомыя палітыкі, як Арэнд-Ян Букстэйн (Arend-Jan Boekestijn), Харры ван Боммель (Harry van Bommel), Піцер Омзіхт (Pieter Omzigt), Аляксандр Пехтольд (Alexander Pechtold).
