Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Еўразвяз патрабуе вызваліць усіх арыштаваных у Дзень Волі 19:06, 26/03/2007
Камісар Еўразвяза па замежных справах і еўрапейскай палітыцы добрасуседства Беніта Ферэра-Вальднэр зрабіла заяву з нагоды паведамленняў аб арыштах у Беларусі напярэдадні і падчас дэманстрацыі 25 сакавіка: “Я расчараваная паведамленнямі аб арыштах, якія адбыліся ў Беларусі напярэдадні і падчас дэманстрацыі 25 сакавіка ў Мінску. У той дзень шматлікіх мірных дэманстрантаў застрашалі і не дазвалялі сабрацца на Кастрычніцкай плошчы ў Мінску. Я заклікаю беларускія ўлады неадкладна вызваліць усіх тых, хто быў затрыманы за свабоднае і мірнае выказванне сваіх поглядаў."
Нагадаем, што з нагоды гадавіны 25 сакавіка Прэзідэнт Еўразвязу Хосэ Мануэль Барозу ізноў нагадаў пра прапанову Беларусі пачаць поўнае партнерства на аснове павагі да дэмакратыі, правоў чалавека і вяршэнства закона:
"Я цешуся, што нашае пасланне было шырока падтрыманае дэмакратычнымі сіламі ў Беларусі, і я запрашаю беларускія ўлады таксама сур’ёзна разгледзець нашу прапанову і ініцыяваць працэс дэмакратызацыі, якая неабходная іх народу, і якой ён патрабуе”, -- заявіў прэзідэнт ЕЗ.
