Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Прадпрымальнік Ігар Леднік асуджаны на 5 сутак 12:29, 27/03/2007
У Барысаве суд сёння прысудзіў да 5 сутак арышту актывіста апазіцыі, прадпрымальніка Ігара Ледніка. Актывіст быў затрыманы 24 сакавіка ў 19.30 у цэнтры Барысава, падчас прагулкі з сваім непаўналетнім сынам.
На судзе ён распавёў падрабязнасці свайго затрымання. Да яго падышоў мужчына, які толькі прыкідваўся п’яным, бо ад яго не пахла алкаголем. Гэты чалавек стаў хапаць Ігара за плечы. Але як толькі да іх пад’ехала міліцыя, “п’яны” збег. Ігара Ледніка абвінавацілі ў “дробным хуліганстве”. Характэрна, што чалавек, які нападаў на Ігара, знойдзены не быў, паведамляе прэс-служба АГП.
На судзе Ляднік прама заявіў, што ўлады пайшлі на правакацыю з мэтай не дапусціць яго ўдзелу ў акцыі 25 сакавіка. Рашэнне суду ён мае намер абскардзіць у вышэйшых інстанцыях.
